Nagising si Feira sa mahimbing na pagkakatulog ng may katok ng katok sa pinto ng kwarto niya. Maga ang mga mata niya kakaiyak kagabi. Hindi na nga niya alam kung anong oras na siya nakatulog.
Tinatamad na bumangon siya tsaka binuksan ang pinto.
Bumungad sa kanya ang galit na mukha ng Mama niya. Alam na niya kung anong gagawin na naman sa kaniya nang Mama niya.
"Ano ba naman Feira kanina pa ako katok ng katok sa pinto mo. Napaka-kupad mo talaga kumilos," sabi nito sa kanya. Itinulak siya nito, walang sabing pumasok sa kuwarto niya.
"Bakit Mama.. may kailangan po ba kayo?" Mahinang tanong niya. Pagod na pagod ang katawan niya para pa siyang magkakasakit.
Lumapit si Feira sa Ina. Nakita niya ito na binubuksan ang maliit na drawer niya tila may hinahanap doon.
"Nasaan yung kwintas na bin
