"Oh, di ba? Hindi ako nagkamali ng pag-recommend sa inyo ng papalit sa akin," nakangiting sabi ko.
Pinalakpakan ko pa si Eli na para bang nanalo siya sa isang contest.
"Pameryenda naman diyan!" dagdag ko pa.
"Sure! Ano ba'ng gusto mo, Jazz?" sagot naman sa akin ni Eli.
"Oy! Bakit si Jazz lang ang tinatanong kung anong gustong meryenda? Taken na 'yan!" sabat naman ni Ricky.
Nandito uli ako sa opisina namin sa Manila. Actually, dalawang araw na ako dito sa Manila. Lumuwas uli kami ni Dos. May three-day stay-in seminar kasi siyang pupuntahan. Sinamantala ko naman iyon para madalaw at makapag-bonding kami ng mga kaibigan ko. At the same time, para kumustahin na rin ang performance ni Eli sa naiwan kong responsibilidad sa dati kong negosyo.
"Kaya nga! At saka, it's good na nagkaroon ka
