Kabanata 21:
Matapos kong magising mula sa kakaibang panaginip na iyon, hindi na ako nakatulog pang muli sa kakaisip. Hindi ko maintindihan iyong nakita ko. Iyong nakita kong may kinakausap si Auntie at inuutusan niya itong gumawa ng masama para sa kaniya. Hindi ko alam kung totoo ba ang lahat ng iyon pero napapaisip ako nang dahil sa nagpapakilalang alter ego ko sa akin.
Pangalawang beses na niyang nagpakita sa akin kaya naguguluhan ako. Noong una kasi ay ipinagsawalang-bahala ko lang lalo na at parang guni-guni lang iyon ngunit sa pagkakataong ito, nababahala na ako. Nababahala akong baka totoo nga.
Bumangon ako mula sa kama ko at saka naglakad palapit sa full-size body mirror na nasa tabi ng pinto ng kwarto ko. Dito ako tumitingin, palagi. Para makita ko ang demonyong nakakapit sa l
