Kabanata 13:
Tahimik si Rayven habang nasa byahe kami. Nahihiya rin naman akong magbukas ng topic dahil mukhang seryoso siya at walang balak na makipag-usap sa akin. Tila malalim kasi ang iniiip nito at sa tingin ko, kung sakaling gambalain ko man ang iniisip niya, magagalit siya.
Sinabi niya lang sa akin kanina ang address nila at inilagay ko iyon sa location tracker na nasa cellphone ko. Medyo nagkaroon pa nga kami ng problema dahil halos hindi mahanap ang address nila sa mapa, sabi niya, kahit sa kanto na lang daw kung saan siya nakatira, ayos lang. Ipinagkibit-balikat ko na lamang dahil ayaw ko naman siyang pilitin. Ayaw kong isipin niyang masyado na akong nanghihimasok sa buhay niya kahit pa ang totoo, medyo curious din talaga ako sa totoong pagkatao niya.
Inihinto ko ang kotse sa
