Kabanata 9:
Erzae Villaflor's Point of View:
"Bakit nga pala wala pa si Rayven?" takang tanong ko kay Ate Sol.
Pagkababa ko pa lang mula sa hagdan kanina, napansin ko nang wala siya. Kaya nang halos matapos na kaming kumain ni Ate Sol, kaagad ko na siyang tinanong. Palagi kasi 'yong maaga kaya nakapagtataka na alas syete na wala pa siya. Nag-aalala ako sa kaniya. Noong sinabi kasi niyang may dalawa pa siyang kapatid na pinuproblema niya ang tuition fee, naisip kong baka gumawa na naman siya nang masama dahil 'don. Hindi ko alam kung bakit nag-aalala ako, na hindi naman dapat lalo na at hindi ko naman siya kaano-ano.
"Tumawag sa akin kanina, may emergency raw sa kanila kaya hindi siya makakapasok ngayon," sagot ni Ate Sol.
Tumango ako't uminom ng kape sa aking tasa. Siguro nga'y nagkar
