“KUMUSTA SI MRS. LANUZA,” tanong niya kay Junniper na kakapasok lang sa opisina niya.
“Sunod-sunod na ang hilab, Ma’am.”
“Pina-IE mo na ba kay Kasey?” Si Kasey ang bagong doctor niya dito sa clinic niya. Ni-refer ito ng isang kakilala niya. Saktong naghahanap din ito ng clinic na mapapasukan din dahil hindi naman daw ganoon ka-hectic ang schedule nito sa ospital na pinagtatrabahuhan nito. Kinailangan niya rin kasi ng isa pang OB dahil naging abala siya sa pag-aayos ng kasal. Hindi naman kasi niya puwedeng ipasa sa physician na narito sa clinic kaya kailangan niya ng makakasama dito.
Tumingin si Junniper sa clipboard nito. “Nasa active stage raw po. Panay na din ang daing sa sakit ni Mrs. Lanuza,”
“Good. Pakisabi kay Kas paki-monitor. Maghahanda lang ako.”
“Yes po.”
Pagkatalikod ng as
