NASA ELEVATOR NA si Sebastian para sunduin si Nikki sa itaas nang makaramdam ng kakaiba. May kasama siyang lalaki sa elevator ng mga sandaling iyon. Abala ito sa telepono pero nakikita niya sa peripheral vision niya na panay ang galaw ng mata nito na para bang hindi mapakali. Nauna itong bumaba kaysa sa kan’ya. Pero hindi nakaligtas sa paningin niya ang paglingon nito sa kan’ya habang pasara ang elevator.
Mabilis ang mga naging hakbang niya nang makalabas sa elevator. Bigla siyang kinabahan. May inutos pa naman siya kay Cedric kaya hindi niya alam ang kalagayan ngayon ni Nikki. Abala din ang ibang tauhan niya sa labas dahil sa napipintong kasal niya. Puno ng CCTV ang hallway dito pero wala siyang access sa telepono. Bihira naman siya pumunta dito kaya nawala sa isip niyang hingiin ang acc
