WALA KAMING IMIKAN ni Sebastian hanggang sa makarating ng Spotlight. Dumeretso na kami sa helipad ng building na iyon. Umisang sulyap pa siya kay Sebastian na kuasap ang isang tauhan nito habang inaalalayan siya ni Cedric.
Ang nakakainis kay Sebastian, dinadaan nito sa tahimik. ‘Yong ang dami niyang sinabi pero wala na siyang narinig kanina. Puro buntonghininga lang nito. Pakiramdam niya, nasa bingit siya ng kamatayan. Naka-hang, e. Ayaw harapin kung ano man ang issue.
Kagaya na lang ng issue nila noong nasa kolehiyo sila. Hanggang ngayon, wala namang malinaw sa kanila. Huhulaan mo na lang kung napatawad na ba siya nito, o hindi.
Pumikit siya kapagkuwan matapos ayusin ang seatbelt. Sumuksok siya sa pinakagilid ng helicopter. Ayaw niyang maglapit ang katawan nilang dalawa. Nasa labas p
