NAG HAHANDA si Denise ng sariling almusal ng may kumatok sa pintuan ng condo niya. Napakunot ang noo niya dahil mag six thirty pa lamang ng umaga at wala naman siyang inaasahang bisita ng ganoong oras.
Nakaligo na siya at nagluluto na lang ng agahan nila ni baby bago sana pumasok sa opisina. Saglit siyang naghugas ng kamay at tinignan sa peephole kung sino iyon. Napa-irap na lang siya ng makita kung sino ang maagang bisita niya.
"Ang aga-aga mo naman mang-istorbo kapre." Bungad niya dito at napakunot siya ng noo nang pasadahan ang itsura nito. Unlike her na nakaayos na, si Gian ay naka boxer shorts at itim na t-shirt lang ang suot na ipinagtataka niya.
Pumunta ito sa condo niya ng ganito ang itsura? Halatang kaka-gising lamang nito at hindi man lang nag-ayos ng sarili. Napansin din niya
