AT iyon na nga ang simula ng pagkalapit ni Samuel Junior sa mga bata at maging sa mga magulang niya. Dahil sa isang araw ay naabutan niya ito sa bahay nila na masayang nakikipaglaro ng Chess sa papa niya.
"Micah, Hija. Mukhang may makakatalo na sa akin sa Chess, ah," iiling-iling na bungad sa kaniya ng kaniyang ama bagaman at halata sa mukha nito ang pagkaaliw. "Napakagaling palang maglaro nitong si Sir Samuel. Pati ako, napapabilib sa kaniya. At napakagiting pang INTERPOL agent. Ilang malalaking sindikato na pala sa iba't ibang bansa ang napatumba niya," puno ng paghanga na kuwento pa ng papa ni Micah.
Noong bata pa lang ang ama niya ay ilang beses na itong nag-champion sa larong Chess—sa national at international level man. Hanggang sa pagtanda nito ay paulit-ulit itong hinirang na k
