Maaga pa lang ay nasa NAIA terminal na si Micah. Galing siyang Singapore para sa isang business conference. Tatlong araw din siyang nanatili roon. Puwede naman sana na ang executive assistant na lang niya ang ipinadala niya. Ngunit umasa ang dalaga na makakatulong iyon para mabilis niyang makalimutan si Andres.
But she was wrong.
Dahil kahit subsob na siya sa trabaho sa tatlong araw na lumipas ay hindi pa rin nawala sa puso niya ang sakit na dulot ng pakikipaghiwalay sa kaniya ng dating nobyo.
Paglabas niya ng airport ay nagtawag si Micah ng taxi at nagpahatid sa isang hotel na tinawagan niya for reservation. Ayaw niya kasi munang umuwi sa bahay nila dahil ayaw niyang ipahalata ang lungkot sa kaniyang pamilya. Lalong lalo na sa mga magulang niya na sobrang nag-aalala sa kaniya ngunit s
