SAMANTHA'S POV
KABALIGTARAN ng sinabi ni Doc Carl na iyakin daw si Baby Ellie kapag gising, wala naman akong naging problema sa kaniya sa maghapon na inalagaan ko siya. Hindi nga siya umiyak nang ilapag ko siya nang matagal sa crib habang naglilinis ako ng mga feeding bottle niya.
Kaya nga nakapaglinis din ako ng bahay at naligpit ko rin ang cabinet ni Baby Ellie na medyo magulo na. Pati ang mga damit niya sa laundry basket ay nilabhan ko na rin at natupi ko na.
Bilang babysitter, madalas, hindi talaga kasama sa binabayaran sa'kin ang mga trabahong nabanggit. Pag-aalaga lang talaga. Though, may iba na kasama na ang iba pang gawain.
Pero ako, basta kaya lang naman, ginagawa ko na lahat ng kailangang gawin. Kaya halos lahat ng mga naging amo ko ay tuwang-tuwa sa'kin. Palagi tuloy akong
