SAMANTHA’S POV
KAHIT walang kasiguruhan kung kailan ako maaalala ni Carlos ay nagdesisyon na ako na hindi ako papayag na masolo siya ni Cherry Mae sa sarili naming pamamahay. Kaya kahit todo pigil sa akin ang pamilya ko, maliban kay Samuel Junior, bumalik pa rin ako dito nang makalabas ang aking asawa, kasama si Baby Ellie.
Gulat na gulat naman si Cherry Mae nang dumating ako. Kahit si Carlos ay nagulat din pero wala naman akong nakitang pagtutol sa kaniyang mukha na lihim kong ikinatuwa. Alam na niya na may anak na ako kaya hindi na rin siya nagulat nang makitang kasama ko si Baby Ellie. Dahil suportado nina Mommy at Daddy ang desisyon kong ito kaya sila na ang nagpaliwanag sa asawa ko.
“Carlos, hijo, baka puwedeng dito muna titira si Samantha at ang baby niya. Mas malapit kasi dito a
