Hapon na nang makauwi ako galing sa appointment ko. Agad ding umalis si Logan matapos niya akong inihatid, at siyempre sumama rin sa kanya ang napakaingay na si Marco. Sa totoo lang, siya lang ang nag-iingay sa amin. Kahit hindi ko siya kinakausap ay talak siya nang talak kaya paminsan-minsan ay nasisigawan ko siya. Si Logan naman ay tahimik lang sa gilid pero alam kong nagmamasid siya at inoobserbahan ako.
Papasok na sana ako sa loob ng bahay nang tumunog ang cellphone ko. Pagtingin ko ay galing pala ito kay Mr. Muller at nagtatanong kung kumusta ang appointment. Nag-send na lang ako sa kanya ng litrato ng passport bago ako tumuloy sa loob ng bahay. Doon ay nadatnan ko si Lolo Henry na nakaupo sa sala habang nanonood ng TV.
“I’m home, lolo,” sambit ko sa kanya para kunin ang atensyon n
