Kabanata 63
Nagising ako sa isang ‘di pamilyar na lugar. Hindi ko alam kung paano ako napunta rito, pero hindi ako makagalaw. Nakatayo lang ako at nakatitig sa hardin ng puting mga rosas. Maya-maya pa’y nakaramdam ako ng kagustuhang pumitas hanggang sa hindi ko na napigilan ang sarili ko. I found myself gathering those white roses with my little hands. At doon ako natigilan. Alam kong nananaginip na naman ako.
Maya-maya pa’y may narinig akong boses na tumatawag sa akin, ngunit hindi ko maintindihan ang sinasabi nito. Paglingon ko sa isang direksyon ay may nakita akong isang batang lalaki na naglalakad palapit sa akin, pero hindi ko maaninag ang kanyang mukha. May kung ano siyang sinabi sa akin kasabay ng pag-abot niya ng isang sunflower.
Pagkatanggap ko no’n ay natigilan na lang ako a
