Huminto kami sa isang private road. Dito raw namin hihintayin ang sasakyan ni Attorney Nissin para lumipat si Nikko rito sa sasakyan ni Brandon. Tapos, saka namin siya ihahatid sa isang condo unit na pag-aari pa rin ni Brandon.
Nagawan nga ni Brandon ng paraan na maisama namin pauwi si Nikko. Hindi nga lang pinauwi ni Brandon si Nikko sa bahay namin dahil baka delikado pa raw sa kanya, lalo pa at hinahanap pa sa ngayon ang grupo na kausap ni Nikko na nagpapadeliver sa kanya ng mga package na droga pala ang laman. Mag-isa pa naman si Nikko sa bahay kung sakali dahil nasa ospital pa kami ni Aira.
Pati sa ospital ay naglagay na rin si Brandon ng mga tao na palihim na magbabantay sa aming magkapatid pansamantala, habang hindi pa maliwanag ang kaso na kinasangkutan nI Nikko. Baka raw kasi m
