“AHTISA, apo,” masaya pang panggigising ni Doña Alejandra sa apo nitong si Ahtisa na nakahiga pa rin sa kama isang umaga. “Gumising ka na.”
“Mamita, antok pa po ako,” halos paungol niyang reklamo.
Hinihila pa rin ng kama ang kaniyang pakiramdam.
“Nagpuyat ka ba kagabi? Ang mabuti pa bumangon ka na. Magsusukat ka ngayong umaga ng mga dress. Pumili ka kung ano ang gusto mong isuot sa dadaluhan nating party mamayang gabi.”
Party?
Wala siyang kagana-ganang makihalubilo sa ibang tao ngayon.
“Mamita, si Kuya Val na lang po ang ayain nintong pumunta sa party.”
“Bumangon ka na. Isasama kita at hindi ka puwedeng magreklamo.”
Sa huli, napilitan din si Ahtisa na magmulat na ng mga mata. Bumungad sa kaniyang paningin ang mga naghelerang mga naggagandahang dress na naka-hanger pa. Naka-display
