“KUYA VAL, hindi ko sure, ha?”
Nailayo ni Ahtisa sa kaniyang tainga ang kaniyang cellphone nang magtaas ng boses ang pinsan niyang si Val Lopez. Simple lang naman ang sagot niya, pero itong pinsan niya, akala mo naman ay ha-high-blood-in agad.
“Ano’ng hindi mo sure? Make it sure, Maria Ahtisa.”
“Eh, narito pa nga po ako sa Baguio.”
“Baguio? Noong nakaraan naman ay nasa Siargao ka. Bukas, saan naman ang schedule mo?” sarkastiko pang kastigo sa kaniya ni Val. “Umuwi ka, as soon as you can. Hindi ka raw ma-contact ni Mamita. ‘Wag mo na ngang pag-alalahanin si Mamita at matanda na ‘yon. Maawa ka naman.”
Simula nang bumalik siya sa poder ng kaniyang lola, isinagawa naman niya ang balak na paglilibot kuno sa Pilipinas. Nangako naman siya na hindi lalabas ng bansa. Pero hindi totoong kung sa
