Veronica's POV
ISANG malalim na buntong-hininga ang pinakawalan ko habang nakasakay sa kotse ni Chronos patungong Zamboanga, Sibugay. Matapos namin magpaalam kay Tita Sabel noong isang araw, nakagugulat man ay pumayag din ito agad.
Alam na raw niya na roon ang punta namin kaya hinanda na niya ang kaniyang sarili. Hindi niya lang inasahan na ganito kaaga. Ako rin naman. Naitawag na rin ni Tita Sabel kay Uncle Markus na uuwi kami ngayong araw para hindi na magulat ang mga ito.
Noong malaman ni Uncle Markus na buhay si Chronos ay matagal itong hindi nakapagsalita, pero nang malaman nito ang totoong dahilan ng pagpunta namin doon, mas lalo itong nawalan ng mga katagang sasabihin.
Mula sa daan ay binaling ko kay Chronos ang mga mata ko. Nakatutok ito sa harap at seryosong nagmamaneho.
"Gut
