Veronica's POV
"CHRONOS!" lakas-loob kong sigaw sa lalaking mabagal na naglalakad palayo sa akin.
Huminto ito sa paghakbang ngunit nanatiling nakatayo. Halos tumigil naman sa pagtibok ang puso ko habang hinihintay ang susunod nitong gagawin. Makaraan lang ng ilang segundo, matulin itong lumingon sa akin.
"Lumingon siya!" sigaw ng isip ko.
Tuluyan na itong humarap at nanatiling ganoon sa loob ng ilang minuto. Ngayon ay sigurado na ako—siya nga si Chronos!
Nanatili itong nakatayo habang nakaharap sa akin. Ako man ay ganoon din ang ginawa. Ni hindi ko magawang gumalaw o magsalita. Nakatayo pa rin ako habang hinihintay ang susunod niyang gagawin.
"Nica? Nica!"
Napaigtad ako at agad na lumingon nang marinig ang boses ni Lea sa likuran ko.
"Hey, ano ba ang nangyayari sa `yo? Hindi mo ba
