Veronica's POV
NAHIRAPAN akong tukuyin kung tao nga ito dahil sa kalabuan ng paningin ko. Mabilis ang pagsalakay ng kilabot sa buo kong katawan. Hindi gumagalaw ang taong iyon at nanatili lang na nakatayo.
Ilang beses ako napaatras nang maisip na baka ito na ang aswang! Inilabas ko ang matulis na parte ng cutter at kumuha ng asin sa supot.
Nagsimula itong lumakad, pabilis nang pabilis. Hanggang sa unti-unti ko nang naaaninag ang hitsura nito.
Isa itong babae na may maruruming suot, nangingitim na nga ang damit nito sa sobrang dumi. Magulo ang buhok at may dala itong supot na naglalaman ng basura. Nang ilang hakbang na lang ang layo nito sa akin, binilisan nito lalo ang paglalakad dahilan upang mapaatras ako.
"Ikaw!" sigaw nito sabay turo sa akin. Akmang susugurin ako nito nang bigla i
