Veronica's POV
NAPASIGAW ang lahat ng tao. Nang makarinig ako ng ingay ng pagtigil ng isang sasakyan ay mabilis akong nagmulat ng mga mata. Agad kong nilingon sina Uncle at ang iba, sinundan ko ng tingin kung saan nakatitig ang mga ito at nakita ang isang puting pajero, sa labas nito ay nakatayo ang ilang mga armadong lalaki. Nakatutok ang armas ng mga ito sa aming lahat. Isa pang kotse ang huminto sa likuran nito at lumabas din mula roon ang ilan pang mga lalaking may dalang baril. Hindi pulis ang mga ito, hindi rin sundalo, ngunit nakauniporme sila na parang isang alagad ng batas.
Muli kaming nakarinig ng sigaw at nang hanapin ko ang pinanggalingan niyon ay gulat kong tiningnan si Mayor, nasa itaas ito ng puno at hawak ng isang . . . aswang!
"Sige! Magpaputok kayo at mamamatay na iton
