Veronica's POV
"NICA!"
Mula kay Chronos ay napatingin ako sa likuran nito nang marinig ang boses ni Lea. Ikinuyom ko nang mariin ang mga palad ko at lumunok. Pinilit kong igalaw ang mga binti ko, pero hindi ko magawa. Para akong ipinako sa kinatatayuan.
"Nandiyan ka lang pala! Halika—"
Natigilan si Lea sa paglalakad nang makita ang lalaking nakatayo sa harap ko. Kagaya ko ay mababakas din ang gulat sa pagmumukha niya.
Nag-umpisang humakbang si Chronos hanggang sa makalapit ito sa akin at lagpasan ako. Namimilog naman ang mga matang nilingon ko ito pinanood na maglakad palayo. Halos hindi ako makahinga hangga't hindi ito nawawala sa paningin ko.
"Nica, si Chronos ba `yon?" Mabilis na lumapit sa akin si Lea at hinawakan ako sa isa kong kamay bago ako hinila palayo.
"Nakita mo, Lea?"
