Angelo's PoV
“Ano ang sinabi mo, babe? Aalis ka na ngayon? Pupuntahan mo si Malaikah?” galit na galit na tanong sa akin ni Jaya habang inaayos ko ang aking mga damit at inilalagay iyon sa aking bag pack.
“Aalis na ako dahil sawang-sawa na ako sa iyo! Hindi na natatapos ang araw nating dalawa na hindi tayo nag-aaway. Palagi mo na lang isinisingit sa usapan natin si Malaikah na wala namang ginagawang masama sa iyo! Ikaw na ang pinili ko, Jaya. Ano pa ba ang gusto mo?!” ganting sigaw ko rito.
“Dahil alam ko na mahal mo ang babaeng iyon! Mahal mo na si Malaikah at tinotoo mo ang feelings mo para sa kanya! Pinakasalan mo nga ako pero hindi naman iyon totoong kasal, Angelo! Akala mo ba hindi ko alam na hindi totoong pastor iyong kaibigan mo? At hindi totoong judge iyong kasama nating dalawa
