Malaikah's PoV
NAKATAMBAY ako sa may cafeteria at hinihintay ko si Nate na nagtitimpla ng kape sa may pantry. Masama ang pakiramdam ko ngunit kailangan ko pa ring pumasok dahil wala ngayon sa office si Uncle Trex. Nagtungo na ito sa Zambales kasama ni Drei at ang buong staff ng wedding and events.
Gusto akong isama ni Uncle Trex pero tumanggi ako dahil kailangan ako nina Nate at Tella sa office dahil sa ginagawa naming product endorsement.
Nilapitan ako ni Nate at ibinaba nito ang plastic na tray sa lamesa. May sandwich, coffee at gamot na naroon sa tray.
Umupo ito sa tabi ko at saka ngumiti. “Kumain ka muna ng sandwich pagkatapos uminom ka ng paracetamol, Aika. Masiyado ka bang na-stress kahapon kaya masama ang pakiramdam mo ngayon?”
Sa totoo lang hindi naman ako na-stres kahapon. Na
