"Cassidy, hindi pwedeng hindi ka pumasok. Pictorial for graduation ngayon. Bahala ka, wala kang picture sa yearbook." Sabi sa akin ni Elle mula sa kabilang linya. Tinawagan niya ako nang malaman niyang hindi ako papasok. Ayaw kong pumasok dahil wala akong ganang lumabas ng bahay.
"Picture lang iyon—."
"Cass naman, kung nagkakaganiyan ka dahil kay Sir Brick, tigilan mo iyan! Hindi siya kawalan, naiintindihan mo ba?! And the deal is off, parang hindi naman talaga deal iyon eh." Malalim akong napabuntong hininga. Yes, tapos na ang isang buwan na pagpapanggap. Pagpapanggap nga ba? Parang wala namang nagyaring ganoon eh. Simula no'ng pumunta si Sir dito sa bahay. Hindi na siya bumalik o bumisita man lang sa akin. Wala nga akong natatanggap na tawag. Kahit sa school, parang iniiwasan niya ako
