"SIGURADO ka talaga na okay lang sa 'yong sa inyo mag-stay 'yung bata? Anak pa rin ni Reagan 'yon sa ibang babae," may himig nagpapaalalang sabi ni Mayang. Nasa mall kami dahil Linggo ngayon. Nagyaya ito at si Oliver pero ako na lang ang sumama dahil hindi naman papapasukin sa mall si Wyler. Naiwan ito at si Reagan sa bahay. Iniwan ko ang mga ito na nag-a-assemble ng bahay bahayan sa garden na in-order noong makalawa ni Reagan sa online.
"Oo naman, Bes. Alam mo, ewan ko nga, e. Pero magaan ang loob ko sa batang 'yon. Bibo kasi si Wyler at mabait na bata. Nakakatuwa pa dahil magalang at masunurin," nakangiti kong sabi at bokal sa loob ko iyon. Although nakakaramdam ako ng inggit minsan na sana ay magkaroon na rin kami kaagad ng anak, naroon pa rin 'yung pakiramdam ko na masaya ako kapag n
