"HELLO, Babe? Ahmmm...ano kasi, nandito si Mayang sa bahay. Okay lang ba na sumama ako sa mall?" Paalam ko kay Reagan sa telepono. Tinawagan ko ito dahil ayoko namang basta na lang umalis ng hindi nagsasabi sa kanya. Naiinip na rin kasi ako. Hanggang hardin lang ang nararating ko sa mansyon at hindi ako pinapayagang lumabas ni Reagan kung hindi siya ang kasama. Kung sabagay ay naiintindihan ko naman siya. Pinoprotektahan lang niya kaming mag-ina lalo at tatlong buwan na ang ipinagbubuntis ko.
"Sino'ng kasama n'yo, Sweetheart? Kung kasama si Oliver sige, go ahead," seryoso ito sa kabilang linya kaya naisip kong baka nagagalit ito. Ayoko naman na mag-away pa kami kaya kung ayaw nito ay hindi na lang ako sasama.
"Yes, kasama si Oliver, Babe. Pero nagagalit ka ba? Hindi na lang ako sasama
