LUNA
"BABE, anong gagawin natin? Wala tayong lusot. Saan tayo pupunta?" Ayoko mang isipin pero sukol na kami ni Reagan. Si Jake sa kabila at ang mga tauhan naman nito ang nasa lalabasan namin kaya siguradong wala na kaming kawala. Kung magpupumilit man kami ay siguradong may masasaktan pa sa aming dalawa at ayoko ng mangyari 'yon. Nawala na ang anak namin at hindi ko na kakayanin kung maging ito ay masasaktan pa ng dahil sa akin. At sa bawat pagtakbo namin, umuusal ako ng panalangin na sana ay hindi mawalan ng kabuluhan ang ginagawa naming dalawa ni Reagan. Na sana ay hindi masayang ang pagpunta nito rito para lamang hanapin ako.
"Magkasama tayo kaya wala kang dapat na alalahanin, Sweetheart. Kung ano man ang mangyari, gusto kong malaman mo na hindi kita iiwan." Nangilid ang luha ko dah
