“Sir, check ko lang ulit ang BP ninyo, okay?”
Boses ng nurse ang nagpagising kay Ara. Napatingin siya sa kanyang suot na relo at alas sais na pala iyon ng umaga kaya bumangon na siya. Kahit pa inaantok dahil sa paputol-putol ang kanyang tulog gawa ng every 3 hours ay may umiikot na nurse upang i-check si Miggy ay kailangan na niyang bumangon. Hindi na rin naman siya makakatulog dahil may mga pumapasok sa ward. Pagkatapos i-check si Miggy at pagkaalis ng nurse, saka naman inayos ni Ara ang damit na susuutin dahil gusto niyang maligo ng maaga upang maginhawaan ang sarili. May tuwalya, sabon, shampoo, toothpaste at pati na rin toothbrush naman siyang binili kaya may gagamitin siya pampaligo at para sa sarili. Kumpleto siya sa mga gagamitin dahil kahapon ay namili talaga siya dahil alam niya
