Pagkatapos ng mga surpresa, masayang nagsalo-salo ang lahat sa hapagkainan. Maraming iba’t ibang pagkain ang nakaahin sa mesa na kanilang pinagsaluhan. Ang mga pagkain ay pawang mga in-order sa isang kilalang restaurant. Masasayang kuwentuhan at kung anu-ano pa ang naganap ng gabi na iyon at masasabi Ara na iyon ang isa sa pinaka-best na araw sa tanang buhay niya.
“Angelo, sa bahay kami ng kuya mo matutulog ngayong gabi, ah? Na-miss ko kasi ang Mariveles, eh. Ang tagal ko ding hindi nakapunta roon,” sabi ng ina ni Angelo pagkatapos nilang kumain at maligpit ang mga pinagkainan.
“Alas siyete na po, kaya niyo pa bang bumiyahe?” tanong ni Angelo.
“Ay naku! Anong akala mo sa amin hindi sanay sa biyahe? Kita mo nga, isang tawag mo lang sa amin, narito na kami agad sa bahay mo galing Baguio
