Makalipas ang dalawang araw, dahil wala naman naging kumplikasyon at mas naging maayos na rin ang lagay ni Miggy, pinayagan na itong makalabas ng mga doctor nito. Babalik na lang ito sa ospital kapag araw ng follow up check up nito.
“Saan ka pala uuwi niyan?” tanong ni Ara. Hindi naman na niya alam kung saan na nakatira si Miggy kaya niya natanong. Katatapos lang din ligpitin ni Ara ang mga gamit ng mga oras na iyon at naghihintay na lang ng release paper para makalabas na sila.
“Sa bagong bahay namin. Sa subdivision na malapit na nilipatan kong trabaho,” sagot ni Miggy.
“Ah okay,” sagot ni Ara na napatangu-tango.
“May hihingiin sana ulit akong pabor kung okay lang sa iyo?” sabi ni Miggy.
“Ano naman?” ani Ara na napataas pa ng kilay.
“Kung puwede sanang samahan mo akong mag-file ng
