Tatlong taon ang lumipas.
Natapos na ang termino ng binata sa pagiging prime minister at may naboto na bilang kapalit niya. At sa mga oras na ito ay naghihintay na sa kanya ang nobya sa kanyang villa kasama ang abuela nito. Pagkatapos ng unang pagbisita nito kasama ang matanda noong in-attempt ang pag-assassinate sa kanya ay pinabalik niya ito ng ilang beses at kasama sa tuwina ang lola nitong nagustuhan naman ang pagbibiyahe sa Espanya. Palagi rin naman kasi nitong kasama si Javier na malapit dito at naging isang kaibigan ng matanda.
Nahuli si Graciela sa Barcelona, sa mismong bahay ng mga Estrabela. Naglalagi pala ang babae sa silid ng binata at hindi man lang nalaman ng caretaker doon na lingguhan kapag naglilinis. Magaling sumalisi ang babae kaya ilang buwan din ang lumipas bago ito
