Isang buwan ang lumipas ay nakahanda na ang kanilang visa ng kanyang lola. Excited na rin si Bop na muling makita ang katipan.
“Lola, aalis tayo papuntang Espanya bukas kaya maaga tayong gigising, ha?”
“Sige, Bop apo,” nakangiti namang anito.
Pinauna niya itong matulog at lumabas siya ng kuwarto nito nang humahangos na sinalubong siya kaagad ni Nena na namimilog ang mga mata at lumaki ang butas ng ilong. Nagtataka naman siya sa inakto nito.
“Ate! Binaril daw ang prime minister ng Espanya!” balita pa nito.
“A-ano?” Hindi siya makapaniwala rito at itinuro nito ang breaking news sa isang channel na laging news ang palabas.
Napatutop siya sa kanyang bibig at tila nahihilo siya sa narinig at saka napakapit kay Nena. Ilang saglit pa nang makabawi siya ay pinanood nila ang balitang iyon. Hi
