Nakangiting tumayo sa kinauupuan si Junrel para lapitan ang nobyang nakaupo sa tapat ng mesa. Napaangat ito ng paningin sa kanya habang magkahinang ang kanilang mga mata. Hindi nito napansing hawak niya ang remote control ng makulay na ilaw sa rooftop at napasinghap ito nang pinatay niya ang mga iyon. Tanging ang ilaw sa may hagdan ng rooftop ang nakabukas at tanglaw nila pero mula sa kinaroroonan nila ay makikita na ang mga bituin sa kalangitan.
“I’ll make love to you while you gaze at the stars, querida mía,” mahinang wika ng binata sa katipan.
“A-ano?” Napalinga-linga ito sa paligid nila pero wala namang makakakita sa kanila dahil sa kongkretong parapet na nakapalibot sa rooftop.
Napangiti siya sa nobya at sinimulang ilatag ang mga talulot ng carnations sa isang bahagi ng pahabang me
