Pagkatapos mag-shower ay umidlip si Bop nang nakangiti. Nasa isip niya pa rin ang sinabi ng binata na hindi raw siya papauwiin sa Pilipinas pero siyempre alam nilang pareho na hindi iyon pupuwede dahil sa lola niya.
Nagising na lang siya nang may maramdaman niyang may yumakap sa kanya. Bahagya siyang nanigas sa kinadadapaang higaan. Ayaw niyang isipin na isa sa mga bodyguards ang tampalasan at nangahas sa kanyang gawin ito. Wala pa naman siyang makita dahil medyo madilim ang silid, maliban na lang sa ilaw sa labas ng bahay. Akma na siyang magpumiglas, sikuhin at tadyakan ang sinuman ang taong ito nang matigilan siya.
“¡Querida mía!” bulong ng pamilyar na boses sa tainga niya.
Tumahip ang dibdib niya sa saya habang tila nabunutan ng tinik sa tagiliran. “Boki!” Agad siyang pumihit para ha
