KABANATA 9:
BATA PA SI Dalee nang madiskubre niya ang kakayahan niyang makakita ng mga kaluluwa lalo na iyong mga nanghihingi ng tulong. Nagsimula iyon nang makasaksi siya ng isang karumaldumal na krimen– pinatay ng isang lalaki ang kalaro niya. No’ng araw na iyon, nakita niya mismo ang paglabas ng kaluluwa ng kalaro niyang babae sa mismo nitong katawan. Noong una ay hindi siya makapaniwala, ngunit nang sumunod na ito sa kanya hanggang sa bahay nila, doon na niya napagtantong totoo nga talaga.
Hindi siya tinantanan nito. Gusto nitong sabihin niya sa mga magulang niya ang nakitang krimen kahit na ayaw siyang pagsalitain ng sarili niyang mga magulang. Nagpumilit si Dalee na sabihin ang nalalaman niya dahil na rin sa paulit-ulit na paggambala sa kanya ng kanyang kalaro. At noong araw na nah
