KABANATA 18:
KINABUKASAN AY HINDI pinapansin ni Caro si Dalee. Nagtataka si Dalee sa ikinikilos ni Caro pero hindi niya naman ito matanong dahil ito na mismo ang umiiwas sa kanila. Kasalukuyang ini-interview ni Caro ang isa sa mga suspect na si Buboy. Nanlilisik ang mga mata nitong nakatingin sa kanya habang ang mga kamay ay nasa ibabaw ng lamesa, nakaposas.
“Bakit mo ginugupitan ng buhok ang mga biktima?”
Nag-angat ito ng tingin sa may CCTV na nakakabit sa itaas na bahagi ng kwarto. “Ginugupit ko ang mga buhok nila para ibenta.”
“Ibig sabihin hindi lang murder ang mayroon sa kaso mo, kundi pati illegal na bentahan ng buhok. At kanino mo naman ibinibenta ang mga buhok na nakokolekta mo? Kasing-mahal ba ng buhay ng taong pinatay mo?”
“Wala ka ring utak ‘no?”
Kumunot ang noo niya sa si
