KABANATA 19:
ITINULOY NI CARO ang paglalakad paakyat ng hagdan kahit na nararamdaman niyang may nakasunod sa kanya. Dire-diretso siya hanggang sa makaakyat sa second floor, gumilid siya at doon nag-abang. Nanliliit ang kanyang mga mata nang ilang saglit…
Nakita niya ang taong sumusunod sa kanya. Nagpalinga-linga ito sa paligid, tila ba hinahanap siya. Nagtago siya sa isang pader habang hinihintay na pumanhik ito nang tuluyan. Hanggang sa nakaakyat na nga ito.
“Bakit nasa labas ka pa?”
Halos mapatalon sa gulat si Dalee nang marinig ang boses niya, halatang nabigla ito sa biglaan niyang pagtawag sa kanya.
“A-anong ginagawa mo r’yan?” nauutal na tanong nito.
Caro smirked. “Hinihintay ka, naramdaman kong nakasunod ka sa akin.”
Umawang ang labi ni Dalee, sandali siya nitong tinitigan ha
