83 – Downfall
“Alis na ako, ‘ma...” sambit ko saka ko inilapag ang picture frame ng aking ina sa drawer na katabi ng kama ko.
Huminga ako nang malalim saka muling tiningnan ang sarili ko sa salamin. Kitang-kita ang ipinayat ko. Bakas din sa mga mata ko ang pait, sakit, at labis na pagod na pinagdaanan ko. Hindi ko na ito nagawang itago pa gamit ang concealer. Mabuti na lang at hindi halata ang pamumutla ng mukha at labi ko—nadaan sa lipstick at blush on.
Kinuha ko ang cellphone ko at ch-in-eck kung may message si Alexander, pero nakapagtatakang wala kaya ako na lang ang naunang mag-text sa kanya dahil baka late na itong nagising. Binati ko lang siya ng ‘good morning’ at sinabihang magkita lang kami sa opisina mamaya.
Hati ang nararamdaman ko—sabik at may bigat. Sabik akong bumalik sa
