“Oh, pinansin ka lang ni Landy ganyan ka na agad, te? Anyare sa’yo?” Mabilis na sinamaan ng tingin ni Fara ang kanyang kapatid na nakatawa at nakadekwatro pa sa kanyang harapan.
Nasa bahay sila at nagtutupi siya ng mga damit nila habang ang kanyang magaling na kapatid ay nakatutok sa cellphone nito na para bang may signal sa kanila, e pahirapan nga kung maka- receive sila ng tawag.
“Tigilan moa ko Belinda, wala ako sa mood,” banta niya rito. Tinawanan na naman siya ni Bel.
“E, bakit ka nga ba wala sa mood, te? Dahil sa nangyari sa inyo ni Landy? Parang pinansin ka lang naman te!” sabi pa nito. Humalakhak pa ulit ito sa kanya.
Pabagsak niyang inilagay ang tinuping damit sa kanyang tabi. Binalingan niya si Bel.
“Tigilan mo sabi ako, ha. Naiinis na ako,” banta niya rito sabay sinamaan it
