“HMM… Magkukuwento ka ba o hindi?” kulit ni Eden kay Nikki kinahapunan. Nang malaman nitong nakauwi na siya sa bahay niya ay agad itong nagtungo roon. Sinugod siya nito upang makibalita kung ano ang nangyari sa dinner date nila ni Caden.
Kasalukuyan silang nasa salas at nasa kandungan nito si Lovey na mukhang nasasanay na sa ganitong sitwasyon. Napangiti pa siya nang misteryosa sa kaibigan na nagtaas naman ng kilay.
“Pa-mystery effect ka pa, eh ang linaw-linaw namang may nangyari na talaga sa inyo!” Umismid pa ito sa kaniya.
Ngumuso siya sa kaibigan. “Eh, bakit mo ‘ko kinukulit kung may ideya ka na diyan? Inaasahan mo bang mag-ki-kiss and tell ako? Ha? Huh! Ikaw talaga kahit kailan!” himutok niya.
“Aba! Nag-kiss na pala kayo?” At napatawa ito na tunog demonyita.
Binigyan niya ito ng i
