Chapter 36
MADALING ARAW nang umalis kami ni Dom ng hotel. Hindi na siya nakapagpaalam pa kay Grandmommy. Sinabi niya na tatawag na lang siya kapag nakauwi na sa condo.
Nasa byahe kami ngayon papuntang Makati, medyo malayo-layo pa ito kaya aabutin pa ng ilang oras bago makarating.
Nag-play siya ng radio para hindi kami masyadong mainip. Sabay kaming napangiti at agad na nagtinginan nang marinig ang intro ng Don Romantico ni Vhong Navarro.
Naaalala ko na naman ang nakakatawa niyang pagsayaw habang pinapatugtog ito. Habang tumutugtog ang kanta, bigla pumasok sa isip ko ang bawat malambot na paggalaw at paggiling na sumasabay sa beat.
Sumabay kami sa kanta na may kasamang pag-indak. Bahagya ring gumiling si Dom habang hawak ang manibela at nakatingin sa daan. Kahit matigas ang balaka
