SKYE
Pagkatapos kong ikuwento kina Lynn, Hillary, Rillette at Ash ang nangyari sa pagitan namin ni One, tinawanan lang ako nang malakas ng mga gaga.
Saktong pagkapasok ko sa inookupang kuwarto namin ni One, nakatanggap ako ng video call kay Lynn. It was a group video call kaya nag-join din ang tatlo pang babae. Nangumusta sila sa team building namin at sinabi ko nga sa kanila ang nangyaring sagutan namin ni One kanina.
Ang mga babaeng ito, nakuha pa akong tawanan pagkatapos kong ilahad ang mga pangyayari partikular na nang sabihin ko rin na naguluhan ako sa huling sinabi ni One na ibang usapan daw kung ako ang maghuhubad sa harap nito.
"Oh my gosh! Wait lang," sambit ni Lynn bago muling tumawa.
Si Hillary ay wagas din kung makatawa na may paghawak pa sa tiyan niya. Si Ash, kahit nasa
