SA kabila ng pagkagulat ay naipuslit pa ni Stella ang envelop at naisuksok sa garter ng pajama niya at tinakpan ng damit. Nahimigan naman niya ang boses ng lalaking umabala sa kaniya.
“What are you doing here, huh?” tanong ni Fabio.
Dagli siyang dumistansiya rito pero may namamahay pa ring kaba sa kaniyang dibdib. Maayos niya itong hinarap.
“Uhm, curious lang ako kung anong meron dito. First time ko kasing nakapunta rito,” aniya.
“I didn’t hear you knock on the door. Basta ka na lang pumasok.” Lumapit ito sa bintana saka hinawi ang pulang kurtina.
“Kumatok ako,” aniya.
“Hindi ko narinig. Nasa kuwarto lang ako kanina.”
So, doon natulog si Fabio. “Sorry, siguro tulog ka pa. Pero kasi nakabukas ang pinto at akala ko ay walang tao.”
“Hindi ako natulog dito. Nag-ayos lang ako ng gamit k
