AYAW harapin ni Glenn ang mga bisita kaya si Stella na lamang ang nakipag-usap sa mga ito sa lobby.
“Ano’ng nangyari? Bakit parang galing sa riot si Glenn?” usisa ni Fabio nang makaupo siya sa tapat ng mga ito.
“Ayon, nakipag-away siya sa isang investor,” aniya.
Napasintido si Fabio. Napailing naman si Dr. Hermosa.
“He got worst,” komento ng doktor.
“I told you, Doc. Glenn still needed guidance,” si Fabio.
“At bakit ka pala narito, Stella?” mamaya ay tanong ni Dr. Hermosa.
“Ah, dito na po ako nagtatrabaho,” tugon niya. Ilang beses din siyang nagpa-therapy kay Larkin noong buntis siya kaya alam nito ang kaganapan sa buhay niya.
“Oh? Do you know that Glenn owned this company?”
“At first, no. Nagulat lang ako nang malamang siya ang CEO.”
“I see. At ano naman ang trabaho mo rito?” us
