NAPABALIK sa labas si Stella at isinara ang gate. “Balik ka muna sa kotse, Glenn!” balisang sabi niya sa binata.
“Why?” ‘takang tanong nito.
“Basta. Wala pala rito sa bahay ang anak ko, dinala ng tiyahin ko sa bahay nila,” alibi niya.
“What? How can I see your child then?”
“Ganito na lang. Kapag nakauwi sila bukas ng umaga, dadalhin ko siya sa opisina, kung puwede sa ‘yo. Kung hindi naman, sa ibang araw na lang kita papuntahin dito.”
“But…”
Itinulak na niya papasok sa kotse si Glenn. “Umuwi ka na muna kasi gabi na. May mga tambay sa kanto, mga lasing at baka mapagtripan ka,” hindi mapakaling palusot niya.
“Okay. Dalhin mo ang anak mo sa office bukas. Kapag hindi mo kasama, I will fire you,” sabi nito saka nagmaniobra.
Napakagat na lamang siya sa labi.
Saktong nakaalis si Glenn ay
