NAKAKUNOT ang noo ni Roswell habang binibistahan ang ayos niya. Papunta sila nito sa birthday party ng kaibigan ni Jess. Naka-dark blue na coat ang kinakapatid, itim na trousers at itim na leather shoes. Ang panloob nito ay iyong flesh tint plain shirt na regalo niya noong nagdaang birthday nito.
"Buddy, 'yang suot mo. I think it's too sexy. Baka naman pwedeng palitan?"
Napamaang siya sa kinakapatid bago niyuko ang sarili. Ang suot niya ay kulay burgundy na body-hugging dress, hanggang tuhod, sleeveless, may malalim na V-shaped neckline at may crochet design sa batok. Naka-high heels din siya.
"Anong problema sa suot ko?" nakaarko ang kilay na tanong niya. Sa mukha niya ay manipis na make-up at ang tanging alahas ay relos at maliit na hikaw.
Muli siyang hinagod ng tingin nito at desper
