"Sa convenience store lang tayo, ha. Walang malaking badget si Ate ngayon, e," sabi ko sa mga bata.
"Ayos lang po, Ate. Madami pa po kaming abasto sa bahay."
Napangiti ako dahil na-realize ko, hindi abusado ang mga batang 'to kahit ito na ang kinalakihan nila, ang pamamalimos.
Napalingon ako nang may kumalabit sa aking balikat.
"Pablo!" natatawang anas ko nang makita ko ang guwapong mukha ng lalake. Dumaan ako dito sa mall dahil may bibilhin akong libro. Sakto ding nakita ko ang mga bata.
"Kuya!"
"Kumusta kayo?" magiliw na tanong ni Pablo sa kanila.
"Mabuti naman po, Kuya. Kakain kami nina Ate."
Tumingin sa akin si Pablo. "Sama ako... Puwede?"
"Ikaw ang bahala. Sa convenience store lang kami kakain," sabi ko naman dito.
Lumiko kami papuntang convenience store. Naupo ang mga
