Madaling araw ng Lunes, pabalik na ako ng Manila. Mabigat ang aking pakiramdam pero baon ko ang pag-asa na gagaling at mabubuhay pa ng mahabang taon si Nanay. May pang-chemo na siya at pambili ng iba pang gamot, thanks sa pera ni Benj.
Nag-send ako ng message kay Benj nang makarating ako ng Manila. Hindi siya nag-r-reply pero ina-update ko pa din siya na para bang may pakialam siya sa akin.
Natulog na muna ako pagdating ko ng boarding, para magkaroon ako ng kaunting lakas para sa pagpasok sa school. Kahit may pinagdadaanan ako, hindi ko puwedeng pabayaan ang aking pag-aaral.
"Lynette, uuwi ka ba sa sembreak?" tanong ng kaklase ko. Nagpaplano silang mag-Boracay pagkatapos ng final exam namin.
"Baka mag-work ako," sabi ko.
One week na lang matatapos na talaga itong sem na 'to. Gus
